Адна з першых кампаній-вырабнікоў, якая дала карыстальнікам магчымасць устанавіць на прыладзе беларускую мову, была Samsung. Гэта была зусім сырая праца, але яна паказала магчымасці да поўнага беларускамоўнага перакладу мабільных сістэм, а таксама вызначыла непасрэдна саму здольнасць беларускай мовы існаваць у мабільнай прасторы.
Пасля 2011 года, калі ў грамадстве пачалі актыўна выкарыстоўваць смартфоны, развіццё беларускай мовы, на жаль, запаволілася. Праз вялікі перапынак мова аднавілася ў 2016 годзе, яе амаль адначасова дадалі ў свае прылады два буйныя вырабнікі мабільных тэхналогій: Google і Apple. З гэтага часу беларускамоўны інтэрфейс вылучаўся дасканаласю і быў ужо больш распрацаваны.
Згодна з тэстамі, праведзеных сярод студэнтаў БДУІР і звычайных жыхароў Беларусі, больш за 79 % апытаных карыстаюцца рускай мовай на сваім смартфоне, 13 % – беларускай і 8 % – іншымі. Наступнае пытанне дапамагае зразумець прычыны такога выбару. Згодна з вынікамі, 56 % увогуле не ведалі пра існаванне магчымасці карыстацца беларускамоўным інтэрфейсам, 41 % лічыць, што ім гэта не патрэбна, а іншыя 3 % – гэта карыстальнікі з іншых краін.
Гэта можа сведчыць, што большасць карыстальнікаў не бачыць перспектывы ў развіцці роднай мовы ў мабільных тэхналогіях. Таму неабходна праводзіць спецыяльныя мерапрыемствы для паляпшэння становішча беларускай мовы не толькі ў мабільных тэхналогіях, але і ва ўсім сучасным грамадстве наогул.
Патрабуе вырашэння пытанне папулярызацыі мовы падчас карыстання мабільных тэхналогій. Для гэтага парэбна устанаўліваць ці выбіраць беларускую мову, распрацоўваць як мага больш прылад.
Трэба пачаць актыўна кантраляваць карыстальнікаў на беларускай мове, каб разумець сапраўдную дынаміку. Гэта дапаможа аднаўляць статус мовы і вызначаць, што на самай справе дапамагае, а што адмоўна ўплывае.
Па-трэцяе, неабходна часцей нагадваць аб існаванні роднай мовы ў службы тэхнічнай падтрымкі, у буйныя кампаніі і інш. Гэта павялічыць магчымасць убачыць беларускую мову ў пэўнай мабільнай ці іншай прыладзе.
Мабільныя Тэхналогі
Мабільныя тэхналогі граюць вялікую ролю ў сучасным грамадстве, гэта напрамак тэхналогій, які хутка і бесперапынна развіваецца. З цягам часу яны значна палепшылі жыццё людзей і распаўсюджванне мовы. Вялікі ўплыў робяць вырабнікі, якія кожны дзень паляпшаюць свае аперыцыйныя сістэмы. Такія дзеянні дапамагаюць мове заставацца ў народзе і паляпшацца. Таксама нельга не адзначыць распрацоўшчыкаў праграмнага забеспячэння, што адаптуюць свае прылады для значна прасцейшага іх разумення.
Праца над сайтамі і вэб-старонкамі дала магчымасць абіраць больш спадручную мову, цяпер кожны зможа чытаць навіны і іншыя даведкі на роднай мове. Разам з тым, нельга не закрануць патрэбу ў працы, накіраванай на паляпшэнне агульнага становішча мовы ў краіне, каб усё больш вырабнікоў дадавалі беларускую мову, а карыстальнікі маглі адчуваць асалоду. Мабільныя тэхналогіі – гэта будучыня, развіваючы родную мову ў іх, мы зможам забяспечыць яе існаванне.
Беларуская мова прыстунічае ў многіх анлайн-перакладчыках. Добрым з’яўляецца такі факт, што зараз у свеце актыўна падтрымліваюць самабытнасці культур, і на гэты час ёсць звесткі аб тым, што ўсе прылады ад Facebook будуць перакладзены на беларускую мову. Прыемная дынаміка можа дапамагчы ў аднаўленні нашай роднай мовы і будзе садзейнічаць папулярызацыі яе ў грамадстве. Варта адзначыць, што некаторыя прадукты, напрыклад, ад Google, перакладзены на беларускую мову.