Тэматыка папулярных беларускамоўных блогаў у асноўным грамадска-палітычная і краязнаўчая. А вось «модных» блогераў, хто б пісаў на беларускай мове пра звычайнае жыццё, аздабляючы нататкі прыгожымі карцінкамі, адназначна не стае.
Можна даць прыклад, як беларускамоўны блог мае ўсе магчымасці трапіць у ТОПы і рэйтынгі, гучна заявіць пра сябе. Так, на першай прэміі для блогераў «Аловак» у дзвюх з 10 намінацый за 2020 год першае месца занялі беларускамоўныя матэрыялы azarkinm – у намінацыі «Беларусь», і svby — у намінацыі «Вандроўкі»), а беларускамоўных намінантаў было яшчэ больш. .
Урэшце, папулярных беларускамоўных блогераў дастаткова ў любых сацыяльных сетках. Але трэба заўважыць, што па колькасці падпісчыкаў (наведванняў, «лайкаў») беларускамоўныя блогеры будуць саступаць сваім калегам, якія абралі рускую мову. Прычына банальная: колькасць рускамоўных людзей у свеце дастаткова вялікая. Але тых, каго задавальняе папулярнасць у роднай краіне, такі расклад не стрымлівае.
Паводле апошніх звестак, у свеце існуе не менш за 3 мільярды блогераў, якія распавядаюць пра сябе, адукацыю, моду, пра падарожжы і многае іншае . Аўтары крэатыўных акаўнтаў эксперыментуюць з фоташопам, тэкстамі. Поле для творчасці і эксперыментаў вялiкае, але самы галоўны крытэрый поспеху - карысны кантэнт і колькасць актыўных падпісчыкаў.
Часцей за ўсё блогі публічныя, маюць чытачоў, якія ўступаюць у палеміку з аўтарам блога з дапамогай каментарыяў да запісу або ў сваім асабістым блогу.
Блог – гэта Інтэрнэт-дзённік у выглядзе шматфункцыянальнай гасцявой кнігі, дзе кожны жадаючы можа выказацца наконт напісанага аўтарам. Запісы ўтрымліваюць тэкст, фатаграфіі, графічныя элементы. Запісы ў блогу звычайна кароткія і згрупаваныя ў зваротнай храналагічнай паслядоўнасці.
Не знаходзячы дастатковай падтрымкі з боку дзяржавы, беларуская мова жыве і развіваецца, шмат у чым дзякуючы энтузіястам. А для іх адным са спосабаў самавыяўлення ў сучаснасці з'яўляецца Інтэрнэт-камунікацыя, у прыватнасці блогінг.
У Інтэрнэце на сённяшні дзень беларуская мова адчувае сябе даволі ўпэўнена і вольна. Сферы яе ўжытку, і гэта вельмі ўцешна, з кожным годам пашыраюцца. Больш за тое, у інтэрнэтным маўленні даволі моцная тэндэнцыя да ігнаравання афіцыйных норм і да частковай замены інавацыйнай варыятнасцю. Беларуская мова паступова знаходзіць усё новыя сферы ўжытку.
Выкарыстанне беларускай мовы ў маркетынгавай камунікацыі значнае і плённае, бо вылучае беларускамоўную рэкламу сярод іншых, створаных пераважна на рускай мове
Беларуская мова – адна з даўніх афіцыйных моў Еўропы, што замацавана ў Статуце ВКЛ 1566 г. Яна захавала ў сабе шмат аўтэнтычных славянскіх элементаў і таму справядліва лічыцца ключом да разумення іншых славянскіх моў.
Беларусазнаўства – гуманітарная навука, якая вывучае адметнасць і агульнасць беларусаў, іх нацыянальны рух, узаемаадносіны з суседзямі і ролю ў сістэме міжнароднай супольнасці народаў у мінулым і сучасным. Вызначаецца комплексным, міждысцыплінарным падыходам да праблем даследавання. Здзяйсняе самапазнанне нацыі з мэтай вызначэння нацыянальнага шляху.
Асноўная ідэя работы – пазнаёміць людзей з такімі тэрмінамі, як інтэрнэт і сеткавая камунікацыя, сфармуляваць асноўныя правілы сеткавага этыкету, удакладніць правілы сеткавага маўлення. Звяртаецца ўвага на віды і формы сеткавай камунікацыі, на яе галоўныя адметнасці на беларускай мове.
Праграміст павінен добра валодать тэрміналогіяй і правільна ўжываць яе. Разам з тым, прафесійнае маўленне складаецца не толькі з тэрмінаў, але і з прафесіянаізмаў і жарганізмаў.
Немагчыма ўявіць чалавека і грамадства без штодзённай камунікацыі з блізкімі і сябрамі, у якой нам істотна дапамагаюць такія формы, як электронная пошта, форум, чат, блог і г.д. .
